Liviya sobiq yetakchisi Muammar Kaddafining o‘g‘li Sayfulislom mamlakat shimoli-g‘arbida joylashgan Zintan shahridagi qamoqxonadan ozod qilindi. Bu haqda “TASS” xabar bermoqda.
Afrigatenews portaliga ko‘ra, Sayfulislom Kaddafi Zintanni 10-iyun, shanba kuni tark etgan. U mamlakat shimolidagi al-Bayda shahriga kelgani va qarindoshlari huzurida ekanligi bildirilmoqda.
Sayfulislom Kaddafi Liviya vakillar palatasi tomonidan o‘tgan oyda ma’qullangan umumiy amnistiya haqidagi qonun tufayli ozodlikka chiqdi. Endi u hech qanday to‘siqsiz mamlakat bo‘ylab harakatlanishi, shuningdek, chet elga chiqishi mumkin.
Izoh (0)