Ливия собиқ етакчиси Муаммар Каддафининг ўғли Сайфулислом мамлакат шимоли-ғарбида жойлашган Зинтан шаҳридаги қамоқхонадан озод қилинди. Бу ҳақда «ТАСС» хабар бермоқда.
Afrigatenews порталига кўра, Сайфулислом Каддафи Зинтанни 10 июнь, шанба куни тарк этган. У мамлакат шимолидаги ал-Байда шаҳрига келгани ва қариндошлари ҳузурида эканлиги билдирилмоқда.
Сайфулислом Каддафи Ливия вакиллар палатаси томонидан ўтган ойда маъқулланган умумий амнистия ҳақидаги қонун туфайли озодликка чиқди. Энди у ҳеч қандай тўсиқсиз мамлакат бўйлаб ҳаракатланиши, шунингдек, чет элга чиқиши мумкин.
Изоҳ (0)