Niger hukumati Qatar bilan diplomatik aloqalarini uzayotgan arab mamlakatlari bilan hamfikrlik belgisi sifatida Dohadan o‘z elchisini chaqirib olishini ma’lum qildi, deya xabar bermoqda “Kommersant”.
Reuters’ning qayd etishicha, avvalroq Senegal va Chad ham Qatardan o‘z elchilarini chaqirib olgan edi.
Eslatib o‘tamiz, Qatar bilan hozircha o‘n mamlakat — Bahrayn, Saudiya Arabistoni, BAA, Misr, Yaman, Liviya, Maldiv orollari, Mavrikiy, Mavritaniya va Komor orollari diplomatik munosabatlarni uzdi. Ushbu mamlakatlar Qatarni terrorchilikni va ekstremistik g‘oyalarni qo‘llab-quvvatlashda ayblamoqda.
Qatarga nisbatan bunday norozilik mamlakat amiri Tamim bin Hamad al-Taniy nomidan Eron bilan yaqinlashish lozimligi haqidagi bayonot e’lon qilinganidan so‘ng kuzatilmoqda.
Izoh (0)