Tehronda sodir etilgan teraktlar tashkilotchisi ekanligi gumon etilgan shaxs yo‘q qilindi. Bu haqda 10-iyun, shanba kuni davlat televideniyesi efirida Eron razvedka va milliy xavfsizlik vaziri Mahmud Alaviy ma’lum qildi, deb xabar beradi “Interfaks”.
Mahmud Alaviy gumon qilinuvchining ismi-sharifi va o‘limi tafsilotlarini oshkor etmadi.
Vazirga ko‘ra, Eronga ittifoqdosh davlatlardan birining razvedka xizmati rasmiylar bilan hamkorlik qildi. Mazkur hujumga aloqadorlikda gumon qilinib, 40 nafardan ortiq kishi hibsga olindi.
7-iyun kuni Eron parlamenti va oyatulloh Humayniy maqbarasiga uyushtirilgan hujumlar oqibatida jami 17 kishi halok bo‘ldi, 50 dan ortiq kishi jarohatlandi.
Bu mamlakatdagi IShID javobgarlikni zimmasiga olgan ilk teraktlar bo‘ldi. Rasmiylar ularni mazkur guruhga mansub besh nafar eronlik amalga oshirganini bildirdi.
Izoh (0)