AQSh prezidenti Donald Trampning ma’muriyati o‘z vaqtida Barak Obama boshchiligida Oq uy tomonidan to‘xtatib qo‘yilgan noqonuniy muhojirlarni deportatsiya qilish jarayonini qayta tikladi. Bu haqda Reuters agentligi sud hujjatlariga asoslanib ma’lum qildi, deb xabar berdi “Gazeta.ru”.
Agentlik ushbu vaziyatga AQShga Salvadordan noqonuniy kirib kelgan va 2005-yildan beri mamlakat hududida istiqomat qilayotganiga qaramay hamon qonunan fuqarolikni olmagan rassom Jilberto Velaskesni misol qilib ko‘rsatdi.
2011-yilda Obama AQSh bilan aloqasi bor hamda jamiyat uchun xavf tug‘dirmaydigan noqonuniy muhojirlar deportatsiyasini bekor qilgan edi. Shu sabab Velaskes AQShda yashashni davom etgan.
Biroq o‘tgan oyda Velaskes uni mamlakat hududidan deportatsiya qilish ishi qayta ko‘rib chiqilishi haqida bildirishnoma olgan.
Reuters ma’lumotlariga ko‘ra, Tramp ma’muriyati Obama davrida deportatsiya qilinmaslikka qaror qilingan yuzlab noqonuniy muhojirlar ishini qayta ko‘rib chiqadigan bo‘ldi.
Ta’kidlanishicha, prokurorlar 1-martdan 31-mayga qadar noqonuniy muhojirlar bo‘yicha 1329 ta ishni qayta ko‘rib chiqishga qaror qildi. Taqqoslash uchun: Obama davrida 2016-yil davomida bu kabi ishlarning 430 tasi ko‘rib chiqilgan.
Izoh (0)