Буюк Британияда 7 июнь куни энергиянинг қайта тикланувчи манбалари мамлакат тарихида илк бор анъанавий манбаларга қараганда кўпроқ электр энергияси ишлаб чиқарди. Бу ҳақда TJournal маълум қилди.
Қуёш, сув, шамол, биомасса ва ёғочда ишловчи станциялар кўрсаткичлари газ ва кўмирда ишловчилари билан таққосланди.
National Grid электр энергияси операторига кўра, шу куни тушки вақтга бориб қайта тикланувчи манбалар 18,7 гигаватт электр энергияси ишлаб чиқарди. Бу умумий кўрсаткичнинг 50 фоиздан ошиғини ташкил этади.
Агар бунга ядро энергиясини ҳам қўшса, умумий қувватнинг тахминан 70 фоизи ҳосил бўлади. Қолгани газ ва кўмир станцияларида ишлаб чиқарилди.
Изоҳ (0)