Dubay xalqaro aeroporti yo‘lovchilari parvozdan avvalgi tekshiruv nazoratida pasport o‘rniga smartfonlaridan foydalanishi mumkin. Bu haqda Gulf News ma’lum qildi.
Buning uchun ular telefonga Smart UAE Wallet maxsus dasturini yuklab olishi lozim. Dastur pasport yoki boshqa shaxsni tasdiqlovchi guvohnoma, sayyoh chiptasiga oid ma’lumotlarni o‘zida saqlaydi.
Dubay aeroportidan uchish chog‘ida yo‘lovchi smartfonni maxsus turniketda qo‘llashi, shuningdek, barmoq izini skanerda qoldirishi lozim. Yangi tizim tufayli har bir sayyohning tekshiruvdan o‘tish vaqti 9—12 soniyadan oshmasligi bildirilmoqda.
Xizmatdan faqat BAA fuqarolari foydalanishi mumkin. Kelgusida dastur takomillashtiriladi va amirliklar aholisi istalgan hukumat muassasasiga hujjatsiz, telefon yordamida kiradi.
Izoh (0)