Дубай халқаро аэропорти йўловчилари парвоздан аввалги текширув назоратида паспорт ўрнига смартфонларидан фойдаланиши мумкин. Бу ҳақда Gulf News маълум қилди.
Бунинг учун улар телефонга Смарт УАЭ Wаллет махсус дастурини юклаб олиши лозим. Дастур паспорт ёки бошқа шахсни тасдиқловчи гувоҳнома, сайёҳ чиптасига оид маълумотларни ўзида сақлайди.
Дубай аэропортидан учиш чоғида йўловчи смартфонни махсус турникетда қўллаши, шунингдек, бармоқ изини сканерда қолдириши лозим. Янги тизим туфайли ҳар бир сайёҳнинг текширувдан ўтиш вақти 9—12 сониядан ошмаслиги билдирилмоқда.
Хизматдан фақат БАА фуқаролари фойдаланиши мумкин. Келгусида дастур такомиллаштирилади ва амирликлар аҳолиси исталган ҳукумат муассасасига ҳужжатсиз, телефон ёрдамида киради.
Изоҳ (0)