Kanadaning eSight kompaniyasi Nyu-Xempshirda istiqomat qiluvchi, ko‘rish qobiliyatining buzilishidan aziyat chekuvchi Endryu Eyriga o‘z to‘yini tomosha qilish imkoniyatini yaratib berdi, deb xabar qildi TJournal.

Foto: TJournal

Kompaniya dasturchilari erkakka “aqlli ko‘zoynaklar”ni taqdim etdi. Shundan so‘ng, Endryuning yaqinlar to‘y marosimini 15 yil avvalgidek tashkillashtirishdi.

Endryuning so‘zlariga ko‘ra, u ko‘rish qobiliyatining pastligi sabab o‘z to‘yini ko‘ra olmagan. Eyri 15 yildan so‘nggina uning uchun tashkillashtirilgan to‘y marosimini eSight “aqlli ko‘zoynaklari” yordamida ko‘rishga muvaffaq bo‘ldi.

Qurilma kamerasi atrofni suratga oladi va Endryuning ko‘zi oldidagi unchalik katta bo‘lmagan LED-ekraniga tasvirni uzatadi. Tasvirning tiniqligi qurilmadagi linzalar yordamida to‘g‘rilanadi.

eSight dasturi 2013-yilda Torontoda ishga tushirilgan. Qurilmaning bahosi 10 ming dollarni tashkil etadi.