Olmaota bozorlaridan birida ichki ishlar bo‘linmasi xodimlari yolg‘iz o‘zi kezib, o‘tkinchilardan sadaqa so‘rab yurgan 9 yoshli bolani aniqladi, deb yozadi Kazakhstan Today.
Bola qozoq tilida juda yaxshi gapirgani uchun uning ism-sharifi va onasi qayerdaligini tezkorlik bilan aniqlashdi. Ular O‘zbekiston fuqarolari bo‘lib, Qozog‘istonga tashrifi “shaxsiy” deb ko‘rsatilgan. Ma’lum bo‘lishicha, bolaning onasi ham tilanchilik bilan shug‘ullanadi.
Ayol o‘z farzandini qarovsiz qoldirish natijasida javobgarlikka tortilish haqida ogohlantirildi. Bundan tashqari, uning fuqarolarga xiralik bilan munosabatda bo‘lishi yuzasidan ma’muriy qonunbuzarlik haqida dalolatnoma tuzildi.
Izoh (0)