Turkiya bosh vaziri o‘rinbosari Tug‘rul Turkesh boshchiligidagi delegatsiya O‘zbekistonda muzokaralar o‘tkazadi

Turkiya bosh vaziri o‘rinbosari Tug‘rul Turkesh va O‘zbekiston bosh vaziri o‘rinbosari Rustam Azimov hamraisligida 24—26-may kunlari savdo-iqtisodiy hamkorlik bo‘yicha O‘zbekiston va Turkiya hukumatlararo qo‘shma komissiyasining to‘rtinchi majlisi o‘tkaziladi. Bu haqda “1news.uz” xabar bermoqda. 

25-may kuni Toshkent shahrida bo‘lib o‘tadigan savdo-iqtisodiy hamkorlik bo‘yicha hukumatlararo qo‘shma komissiyaning navbatdagi majlisi doirasida ikki davlat ishbilarmonlari, firma va kompaniyalari vakillari o‘rtasida biznes forum va ikki tomonlama uchrashuvlar o‘tkaziladi.

Turkiya Respublikasi Madaniyat va turizm vaziri Nabi Avji boshchiligidagi delegatsiya ham 24—26-may kunlari amaliy tashrif bilan O‘zbekistonda bo‘ladi.

Tashrif doirasida delegatsiya tarkibidagi turk sayyohlik firma va kompaniyalari vakillari o‘zbek hamkasblari bilan hamkorlik masalalarini muhokama qiladi. Turkiya Madaniyat va turizm vaziri tashrif doirasida Buxoroda o‘tkaziladigan “Ipak va ziravorlar” festivalida ham ishtirok etadi.