G7 davlatlari moliya vazirlari 13-may, shanba kuni Italiyaning Bari shahridagi uchrashuvlari davomida xalqaro kiberhujumlarga qarshi birgalikda kurash uslublari haqida kelishib oladi. Bu haqda “Kommersant” xabar berdi.
“Mazkur uslublar moliya tizimida zaif nuqtalarni tezlik bilan aniqlash bo‘yicha hamkorlikdagi choralar va barcha moliyaviy institutlarning kiberxavfsizligini ta’minlashni nazarda tutadi. Kiberhujumlar iqtisodiyotlar uchun tobora jiddiy xavf tug‘dirayotganligini tan olamiz, shu sababli umumiy iqtisodiy javob siyosatini ishlab chiqish zarur”, — deyiladi uchrashuv dasturi loyihasida.
Italiya moliya vaziri Pera Karlo Padoanga ko‘ra, 12-may, juma kuni kechki payt amalga oshirilgan kiberhujumdan avval rejalashtirilgan ushbu kun tartibi “afsuski, juda dolzarb bo‘lib chiqdi”.
Eslatib o‘tamiz, keng ko‘lamli xakerlik hujumiga AQSh, Rossiya, Buyuk Britaniya, Xitoy, Italiya kabi dunyoning 70 dan ortiq davlati, jumladan, O‘zbekiston ham duch keldi.
Izoh (0)