PEN-klubning Norvegiyadagi bo‘limi vakillari Edvard Snoudenga so‘z erkinligi himoyasiga qo‘shilgan hissa uchun mukofotni taqdim etdi. Bu haqda “TASS” xabar bermoqda.
Yopiq marosim Moskvadagi mehmonxonalardan birida 21-aprel kuni bo‘lib o‘tdi, biroq bu haqda endi oshkor qilindi.
“21-aprel kuni Edvard Snoudenga 2016-yil uchun Karl fon Osetskiy mukofoti topshirildi. Norvegiya PEN-markazi boshqaruvi raisi Vilyam Nyugor va bosh kotib Xage Nyut Nuri unga mukofotni Moskvada topshirdi”, — deyiladi tashkilot xabarida.
PEN-klubning Norvegiyadagi bo‘limi Snoudenni o‘tgan yil martida nufuzli mukofot laureati deb e’lon qilgan va u Osloga kelib, mukofotni shaxsan olishiga uringandi. Biroq mamlakat rasmiylari AQSh maxfiy xizmatlari vataniga ekstraditsiya qilinmasligini kafolatlashdan bosh tortdi.
Izoh (0)