PEN-клубнинг Норвегиядаги бўлими вакиллари Эдвард Сноуденга сўз эркинлиги ҳимоясига қўшилган ҳисса учун мукофотни тақдим этди. Бу ҳақда «ТАСС» хабар бермоқда.
Ёпиқ маросим Москвадаги меҳмонхоналардан бирида 21 апрель куни бўлиб ўтди, бироқ бу ҳақда энди ошкор қилинди.
«21 апрель куни Эдвард Сноуденга 2016 йил учун Карл фон Осецкий мукофоти топширилди. Норвегия PEN-маркази бошқаруви раиси Вильям Ньюгор ва бош котиб Хаге Ньют Нури унга мукофотни Москвада топширди», — дейилади ташкилот хабарида.
PEN-клубнинг Норвегиядаги бўлими Сноуденни ўтган йил мартида нуфузли мукофот лауреати деб эълон қилган ва у Ослога келиб, мукофотни шахсан олишига уринганди. Бироқ мамлакат расмийлари АҚШ махфий хизматлари ватанига экстрадиция қилинмаслигини кафолатлашдан бош тортди.
Изоҳ (0)