24-aprel kuni Shveysariyaning Syurix shahrida Sechseläuten deb nomlangan an’anaviy bayramni nishonlashdi, deb yozadi TJournal. Tantanalar ulkan qor odam qiyofasidagi qo‘g‘richoqni yoqish bilan yakunlandi, bu qish tugaganining ramzidir.
Qor odamni ustunga o‘rnatishdi va unga portlovchi snaryadlarni solishdi. An’anaga ko‘ra, qor odam qanchalik tez portlasa, yoz shunchalik yaxshi keladi.
Bu safar qor odamining boshi 9 daqiqa-yu 56 soniyada portladi va yoz issiq kelishidan darak berdi. Qor odam 2003-yilda eng tez portlagan edi — 5 daqiqa 42 soniya. 2016-yilda portlashni 43 daqiqa-yu 34 soniya kutishgan. Ammo shunga qaramay, o‘tgan yoz issiq va quruq bo‘ldi.
Izoh (0)