Xorijdan import qilingan kartoshkalar saralanib, olibsotarlardan qolgani “Elga xizmat”ga o‘tmoqda. Bu haqda “Axborot” dasturi orqali tayyorlangan lavhada ma’lumot berildi, deb yozmoqda “1news.uz”
O‘tgan yili O‘zbekistonda kartoshkadan belgilangan hosil to‘planmaganligi bois bozorlarda uning narxi qimmatlashdi. Davlat tomonidan ko‘rilgan chora tadbirlar aholini ushbu mahsulot bilan ta’minlash imkonini bermoqda. Chetdan kartoshka xarid qilinib, bir qadar arzon narxda aholiga sotilmoqda.
“Axborot” muxbirlari poytaxt bozorlaridagi ahvolni o‘rganish natijasida yuqorida aytilgan masalaning boshqa muammoli jihatiga e’tibor qaratdi.
Chetdan import qilingan kartoshka asosan Qo‘yliq bozorida saralanadi. Keyin yirikrog‘i uchar olibsotarlar qo‘liga o‘tadi. Ikkinchi toifasi “Elga xizmat”ga o‘tib, narx-navoda ham kattagina tafovutni yuzaga keltiradi.
Qo‘ldan-qo‘lga o‘tib kelayotgan kartoshka Toshkent bozorlarida bir joyda 1600 so‘m, bir joyda 1800 so‘m, ikkinchi joyda 2000 so‘m. Xaridorga yetib kelguncha 4000 so‘mga aylanib ketyapti. Nazorat yo‘qligi tufayli ana shunday narx oshib borish holati yuzaga kelmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)