Хориждан импорт қилинган картошкалар сараланиб, олибсотарлардан қолгани «Элга хизмат»га ўтмоқда. Бу ҳақда «Ахборот» дастури орқали тайёрланган лавҳада маълумот берилди, деб ёзмоқда «1news.uz»
Ўтган йили Ўзбекистонда картошкадан белгиланган ҳосил тўпланмаганлиги боис бозорларда унинг нархи қимматлашди. Давлат томонидан кўрилган чора тадбирлар аҳолини ушбу маҳсулот билан таъминлаш имконини бермоқда. Четдан картошка харид қилиниб, бир қадар арзон нархда аҳолига сотилмоқда.
«Ахборот» мухбирлари пойтахт бозорларидаги аҳволни ўрганиш натижасида юқорида айтилган масаланинг бошқа муаммоли жиҳатига эътибор қаратди.
Четдан импорт қилинган картошка асосан Қўйлиқ бозорида сараланади. Кейин йирикроғи учар олибсотарлар қўлига ўтади. Иккинчи тоифаси «Элга хизмат»га ўтиб, нарх-навода ҳам каттагина тафовутни юзага келтиради.
Қўлдан-қўлга ўтиб келаётган картошка Тошкент бозорларида бир жойда 1600 сўм, бир жойда 1800 сўм, иккинчи жойда 2000 сўм. Харидорга етиб келгунча 4000 сўмга айланиб кетяпти. Назорат йўқлиги туфайли ана шундай нарх ошиб бориш ҳолати юзага келмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)