BankExpo 2017 bank xizmatlari, texnologiyalari va uskunalarining o‘ninchi yubiley milliy ko‘rgazmasi ikki kunga respublikamizning barcha tijorat banklarini mahsulot va xizmatlar ekspozitsiyasiga to‘pladi.
Orient Finans banki ko‘rgazmada bir qator yangi interaktiv ishlanmalarni taqdim etdi:
- Orient Finans Mobile jismoniy shaxslar uchun mobil ilovasi;
- OFB Mobile Business korporativ mijozlar uchun mobil ilovasi;
- valyutali plastik kartalar uchun veb-ilova;
- Telegram messenjeridagi bot;
- seyf yacheykalarini onlayn rejimida band qilish.
Orient Finans Mobile — jismoniy shaxslar uchun universal mobil ilova
Orient Finans Mobile ilovasi bankda ochilgan barcha hisobvaraqlarni boshqarishning yagona markazi sifatida jismoniy shaxslar uchun yaratilgan.
Endilikda mijoz Orient Finans Mobile ilovasini yuklab olib, o‘zining milliy va xorijiy valyutadagi barcha mablagʻlaridan foydalanish imkoniga ega bo‘ladi.
Ilovaning joriy versiyasida so‘m va valyutadagi kartalar va depozit hisobvaraqlar balansi monitoringi, bitta kartadan ikkinchi kartaga pul o‘tkazish, hisobvaraqlar bo‘yicha barcha harakatlar statistikasidan foydalanish imkoni mavjud.
Hozirda ilovani Android tizimi foydalanuvchilari GooglePlay orqali yuklab olishlari mumkin, yaqin kunlarda iOS AppStore foydalanuvchilari uchun ham foydalanish imkoni paydo bo‘ladi.
OFB Mobile Business — korporativ mijozlar uchun mobil ilova
Bu bank ofisiga kelmasdan onlayn rejimida kompaniyaning pul operatsiyalarini nazorat qilish va boshqarish bo‘yicha qulay tizimdir. Ilova oson foydalanish imkonini beruvchi interfeysga ega bo‘lib, u bank hisobining asosiy bo‘limlaridan iborat.
MasterCard shaxsiy kabineti
Bank saytida ro‘yxatdan o‘tib, Siz funksionaldan foydalanishingiz mumkin va u istalgan vaqtda har qaysi mamlakatda bo‘lganda kartalarni boshqarish, o‘z kartalari bo‘yicha mablagʻlar harakatini onlayn rejimida kuzatib borish va bu ma’lumotlarni jadval ko‘rinishida chop etish, kartani amaldagi vaqt rejimida blokka solish va blokdan chiqarish imkonini beradi.
@ofb_bot
Keng ommaga ekspress-axborotni taqdim qilish uchun Telegram messenjerida BOT ishlab chiqilgan, u foydalanuvchilarning topshiriqlariga avtomatik tarzda javob qaytaradi hamda bankning ish rejimi va xizmatlari to‘g‘risida axborot beradi. Orient Finans bankining boti bilan muloqot qilish uchun Telegramga kirib qidirish satrida @ofb_bot terish yetarli.
Seyf yacheykalarni onlayn rejimida band qilish
Orient Finans banki seyf yacheykalarni online rejimida band qilish tizimini joriy etdi. Har qaysi xohlovchi bank saytiga kirishi, seyfning kerakli o‘lchamlarini tanlab olishi, band qilish uchun uch kun davomida amal qiladigan buyurtmani to‘ldirishi va yuborishi mumkin. Shundan so‘ng mijoz bankka kelganida o‘z boyliklarini oldindan rasmiylashtirilgan seyf yacheykasiga joylashtirib qo‘yishi mumkin. Hozirgi paytda bank tomonidan yacheykalar ijara haqini sayt va Orient Finans Mobile mobil ilovasi orqali to‘lash imkoni ishlab chiqilmoqda.
Bank ko‘rgazmaning yosh mehmonlarini unutmasdan, ular uchun mantiq va asosiy iqtisodiy tushunchalarni bilish boʻyicha qiziqarli test savollarini ishlab chiqdi. Sinovdan muvaffaqiyatli o‘tgan stend mehmonlari esdalik sovgʻalar va yigʻilganlarning olqishlariga sazovor bo‘ldilar.
Ko‘rgazma ishtirokchi va mehmonlarga yangi axborot olish, bank sohasining yutuqlari va rivojlanish istiqbollari bilan batafsil tanishib chiqish, shuningdek yangi aloqalarni yo‘lga qo‘yish bo‘yicha yaxshi imkon berdi.
Reklama huquqi asosida
Izoh (0)