BankExpo 2017 банк хизматлари, технологиялари ва ускуналарининг ўнинчи юбилей миллий кўргазмаси икки кунга республикамизнинг барча тижорат банкларини маҳсулот ва хизматлар экспозициясига тўплади.
Orient Finans банки кўргазмада бир қатор янги интерактив ишланмаларни тақдим этди:
- Orient Finans Mobile жисмоний шахслар учун мобил иловаси;
- OFB Mobile Business корпоратив мижозлар учун мобил иловаси;
- валютали пластик карталар учун веб-илова;
- Telegram мессенжеридаги бот;
- сейф ячейкаларини онлайн режимида банд қилиш.
Orient Finans Mobile — жисмоний шахслар учун универсал мобил илова
Orient Finans Mobile иловаси банкда очилган барча ҳисобварақларни бошқаришнинг ягона маркази сифатида жисмоний шахслар учун яратилган.
Эндиликда мижоз Orient Finans Mobile иловасини юклаб олиб, ўзининг миллий ва хорижий валютадаги барча маблағларидан фойдаланиш имконига эга бўлади.
Илованинг жорий версиясида сўм ва валютадаги карталар ва депозит ҳисобварақлар баланси мониторинги, битта картадан иккинчи картага пул ўтказиш, ҳисобварақлар бўйича барча ҳаракатлар статистикасидан фойдаланиш имкони мавжуд.
Ҳозирда иловани Android тизими фойдаланувчилари GooglePlay орқали юклаб олишлари мумкин, яқин кунларда iOS AppStore фойдаланувчилари учун ҳам фойдаланиш имкони пайдо бўлади.
OFB Mobile Business — корпоратив мижозлар учун мобил илова
Бу банк офисига келмасдан онлайн режимида компаниянинг пул операцияларини назорат қилиш ва бошқариш бўйича қулай тизимдир. Илова осон фойдаланиш имконини берувчи интерфейсга эга бўлиб, у банк ҳисобининг асосий бўлимларидан иборат.
MasterCard шахсий кабинети
Банк сайтида рўйхатдан ўтиб, Сиз функционалдан фойдаланишингиз мумкин ва у исталган вақтда ҳар қайси мамлакатда бўлганда карталарни бошқариш, ўз карталари бўйича маблағлар ҳаракатини онлайн режимида кузатиб бориш ва бу маълумотларни жадвал кўринишида чоп этиш, картани амалдаги вақт режимида блокка солиш ва блокдан чиқариш имконини беради.
@ofb_bot
Кенг оммага экспресс-ахборотни тақдим қилиш учун Telegram мессенжерида BOT ишлаб чиқилган, у фойдаланувчиларнинг топшириқларига автоматик тарзда жавоб қайтаради ҳамда банкнинг иш режими ва хизматлари тўғрисида ахборот беради. Orient Finans банкининг боти билан мулоқот қилиш учун Telegram’га кириб қидириш сатрида @ofb_bot териш етарли.
Сейф ячейкаларни онлайн режимида банд қилиш
Orient Finans банки сейф ячейкаларни online режимида банд қилиш тизимини жорий этди. Ҳар қайси хоҳловчи банк сайтига кириши, сейфнинг керакли ўлчамларини танлаб олиши, банд қилиш учун уч кун давомида амал қиладиган буюртмани тўлдириши ва юбориши мумкин. Шундан сўнг мижоз банкка келганида ўз бойликларини олдиндан расмийлаштирилган сейф ячейкасига жойлаштириб қўйиши мумкин. Ҳозирги пайтда банк томонидан ячейкалар ижара ҳақини сайт ва Orient Finans Mobile мобил иловаси орқали тўлаш имкони ишлаб чиқилмоқда.
Банк кўргазманинг ёш меҳмонларини унутмасдан, улар учун мантиқ ва асосий иқтисодий тушунчаларни билиш бўйича қизиқарли тест саволларини ишлаб чиқди. Синовдан муваффақиятли ўтган стенд меҳмонлари эсдалик совғалар ва йиғилганларнинг олқишларига сазовор бўлдилар.
Кўргазма иштирокчи ва меҳмонларга янги ахборот олиш, банк соҳасининг ютуқлари ва ривожланиш истиқболлари билан батафсил танишиб чиқиш, шунингдек янги алоқаларни йўлга қўйиш бўйича яхши имкон берди.
Реклама ҳуқуқи асосида
Изоҳ (0)