Buxoro viloyatida aholi xonadonlariga tijorat banklari tomonidan kredit mablag‘lari ajratilishi masalasida, ma’lum bir natijalarga erishilgani holda, hali qator kamchiliklar, yechimini kutayotgan muammolar mavjud. Bu haqda 17-aprel kuni bo‘lib o‘tgan hokimlik soati yig‘ilishida qayd etib o‘tildi.
Xususan, viloyatda namunaviy hudud sifatida belgilangan Shofirkon tumanidagi mahalla fuqarolar yig‘inlariga biriktirilgan 19 ta tijorat banklari tomonidan yetarli ishlar olib borilmayapti.
Tumandagi xonadonlarga viloyat tijorat banklari tomonidan 8460 tup limon ko‘chati o‘rniga 200 tup ko‘chat yetkazilgan, xolos.
Parrandachilik faoliyatini boshlash istagida bo‘lgan oilalarga jo‘ja tarqatish, shuningdek, yong‘oq va unabi ko‘chatlarini keltirib berish bo‘yicha ham hech qanday ish qilinmayapti.
Tuman bo‘yicha kredit olib, issiqxona tashkil qilish, limon, unabi va yong‘oq yetishtirish istagida bo‘lgan 213 xonadon egalariga kredit rasmiylashtirilmagan.
“Mazkur yo‘nalishdagi kamchiliklar Qorako‘l, Jondor, Peshku tumanlarida ham ko‘zga tashlanmoqda”, — deyiladi hokimlik axborot xizmati xabarida.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)