Бухоро вилоятида аҳоли хонадонларига тижорат банклари томонидан кредит маблағлари ажратилиши масаласида, маълум бир натижаларга эришилгани ҳолда, ҳали қатор камчиликлар, ечимини кутаётган муаммолар мавжуд. Бу ҳақда 17 апрель куни бўлиб ўтган ҳокимлик соати йиғилишида қайд этиб ўтилди.
Хусусан, вилоятда намунавий ҳудуд сифатида белгиланган Шофиркон туманидаги маҳалла фуқаролар йиғинларига бириктирилган 19 та тижорат банклари томонидан етарли ишлар олиб борилмаяпти.
Тумандаги хонадонларга вилоят тижорат банклари томонидан 8460 туп лимон кўчати ўрнига 200 туп кўчат етказилган, холос.
Паррандачилик фаолиятини бошлаш истагида бўлган оилаларга жўжа тарқатиш, шунингдек, ёнғоқ ва унаби кўчатларини келтириб бериш бўйича ҳам ҳеч қандай иш қилинмаяпти.
Туман бўйича кредит олиб, иссиқхона ташкил қилиш, лимон, унаби ва ёнғоқ етиштириш истагида бўлган 213 хонадон эгаларига кредит расмийлаштирилмаган.
«Мазкур йўналишдаги камчиликлар Қоракўл, Жондор, Пешку туманларида ҳам кўзга ташланмоқда», — дейилади ҳокимлик ахборот хизмати хабарида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)