Britaniyalik haydovchi bo‘yalgan Range Rover’ni norozilik belgisi sifatida ko‘chaga tashlab ketdi

Range Rover’dan norozi bo‘lgan haydovchi bo‘yalgan yo‘ltanlamasni London tumanlaridan birida Land Rover kompaniyasiga norozilik belgisi sifatida qoldirib ketdi. U o‘z noroziligini kuzovdagi bo‘yoqlar va salondagi yozuvlar orqali ifodaladi. Bu haqda “Motor” xabar berdi.

Mashina suratlari Instagram foydalanuvchilari tomonidan tarmoqqa joylandi. Yo‘ltanlamasning egasi mashina kuzovida qizil bo‘yoq bilan “Range Rover’ga ishonmang” degan yozuv yozgan.

Bundan tashqari, avtomobil salonida “Meni aldashdi. Menga mana bu axlatni sotishdi” degan yozuv qoldirgan.

Land Rover kompaniyasi vakilining so‘zlariga ko‘ra, avtomobilga hech narsa bo‘lmagan, foydalanish davomida filtrlardan biri ishdan chiqqan xolos. Kompaniya muammoni ijobiy hal etishga urinmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!