Британиялик ҳайдовчи бўялган Range Rover’ни норозилик белгиси сифатида кўчага ташлаб кетди

Range Rover’дан норози бўлган ҳайдовчи бўялган йўлтанламасни Лондон туманларидан бирида Land Rover компаниясига норозилик белгиси сифатида қолдириб кетди. У ўз норозилигини кузовдаги бўёқлар ва салондаги ёзувлар орқали ифодалади. Бу ҳақда «Мотор» хабар берди.

Машина суратлари Instagram фойдаланувчилари томонидан тармоққа жойланди. Йўлтанламаснинг эгаси машина кузовида қизил бўёқ билан «Range Rover’га ишонманг» деган ёзув ёзган.

Бундан ташқари, автомобиль салонида «Мени алдашди. Менга мана бу ахлатни сотишди» деган ёзув қолдирган.

Land Rover компанияси вакилининг сўзларига кўра, автомобилга ҳеч нарса бўлмаган, фойдаланиш давомида фильтрлардан бири ишдан чиққан холос. Компания муаммони ижобий ҳал этишга уринмоқда.

«Дарё»нинг Telegram’даги расмий канали — @toshqindaryo’га аъзо бўлинг!