Steyk tayyorlashda yo‘l qo‘yiladigan xatolar

Steykni tayyorlash oson bo‘lib ko‘rinishi mumkin. Lekin haqiqatda bunday emas: uy steyki quruq va tuzsiz chiqishi mumkin. Bu taomning mazali va sersuv bo‘lib pishishi uchun qanday xatolarga yo‘l qo‘ymaslik kerak?

Siz yog‘siz go‘sht tanlagansiz

Mazali va xushbo‘y steyk tayyorlashni istasangiz, biroz yog‘li bo‘lgan – biqin yoki qovurg‘ali go‘shtni tanlang.

Siz steykni oldindan ziravorlar sepib tayyorlamagansiz

Steyk bo‘lagini qovurishdan 30—40 daqiqa oldin yaxshilab tuz va murchga belab qo‘ysangiz, ziravorlar go‘shtga singadi va uni mazali qiladi.

Siz go‘shtning namini artmagansiz

Steyk yuzasi ho‘l bo‘lsa, qizdirilgan tovaga solingandan so‘ng o‘zidan bug‘ chiqara boshlaydi. Buning oldini olish uchun, tayyorlashni boshlashdan oldin steykning ikki tomonini ham qog‘oz sochiq bilan arting. Ortiqcha namlikning olinishi steykning yaxshi qovurilishini ta’minlaydi.

Siz boshqa tovani olgansiz

Steyk tayyorlash uchun issiqlikni ushlab turadigan va qizarib pishishga yordam beradigan og‘ir cho‘yan tova kerak bo‘ladi.

Siz tovani yaxshi qizdirmagansiz

Cho‘yan tovani yaxshi qizdirmasdan turib go‘sht solinsa qovurilish o‘rniga bug‘ chiqara boshlaydi. Kerakli haroratni har doim uning ustidan chiqayotgan tutundan ham bilsa bo‘ladi.

Manba: “MHealth.com”