“Baunti” uslubidagi mazali rulet qanday tayyorlanadi?

Yaqinlaringizni nima bilandir xursand qilmoqchi bo‘lsangiz, “Baunti” —  eng yaxshi variant: tayyorlash juda oson. Hamma masalliqlar albatta uyingizda bo‘ladi.

Bizga kerak bo‘ladi:

• Pechenye — 1 pachka yoki 200 gr
• Shakar  — 1 osh q.
• Kakao — 2 osh q.
• Suv — yarim piyola
• saryog‘ — 80 gr
• Shakar upasi — 60 gr

1. Qulay idish olamiz, unga kakao va maydalangan pechenyeni solib aralashtiramiz.
2. Suvni qaynatamiz va uning ichida shakarni eritamiz. Hosil bo‘lgan qiyomni aralashma ustiga quyamiz va yaxshilab qorishtiramiz.
3. Saryog‘ va shakar upasi — krem tayyorlash uchun. Ularni aralashtiramiz va kokos qirindisini qo‘shamiz.
4. Qulay va tekis joyga oziq-ovqatlar uchun maxsus yupqa plyonka to‘shaymiz va unga tayyor bo‘lgan massani joylashtiramiz. Ustidan kremni suramiz.
5. Ruletni ehtiyotlab o‘raymiz va sovutgichga qo‘yamiz.

Manba: “Xitrosti jizni”