Yaponiya Qo‘shma Shtatlar ko‘magida Shimoliy Koreyaga bostirib kirish rejasidan voz kechmadi. Bu haqda Koreya markaziy telegraf agentligining mamlakat markaziy gazetalarida chop etilgan sharhida ma’lum qilindi, deya xabar beradi “TASS”.
Agentlikka ko‘ra, Yaponiya 17-mart kuni KXDrga yo‘naltirilgan Radar-5 josus sun’iy yo‘ldoshini uchirdi. Yaponiya o‘z-o‘zini mudofaa kuchlari kemalari va AQSh harbiy-dengiz kuchlari aviatashuvchi jangovar guruhi Sharqiy Xitoy dengizida qo‘shma mashg‘ulotlar o‘tkazdi.
“Yaponiya va AQSh KXDRga bostirib kirgudek bo‘lsa, mag‘lubiyat alamini totib ko‘rishi aniq. Yaponiya hududidagi Amerika bazalari ballistik raketalarimiz nishonida turibdi. Agar hududimizga aqalli bitta snaryad tushsa, Yaponiyani ayanchli xotima kutadi”, — deyiladi sharhda.
Izoh (0)