Turkiya Tashqi ishlar vaziri Mavlut Chavusho‘g‘li Vashingtondagi chiqishida mudofaa xarajatlarini oshirish rejasi haqida so‘zladi, deya xabar beradi “Kommersant”.
“Biz mudofaa xarajatlariga YIMning 2 foizini jalb qilish ustida ishlamoqdamiz. O‘tgan yillardagidek 2017-yilda ham o‘z mudofaa budjetimizni oshiramiz”, — deya ta’kidlaydi vazir.
Shuningdek, vazirga ko‘ra, Turkiya NATO bilan aloqalarini mustahkamlash borasida AQSh bilan hamkorlikka umid qilmoqda.
“Yevro-atlantik barqarorlikni ta’minlashda alyans asosiy o‘rin tutadi, biz ikki yetakchi ittifoqdosh — AQSh hamda Turkiya o‘zaro hamkorlik qilishidan umidvormiz”, — dedi Chavusho‘g‘li.
Avvalroq, Turkiya mudofaa vaziri Fikri Ishik Myunxen xavfsizlik konferensiyasida, NATO Turkiya joylashgan janubi-sharqiy yo‘nalishdagi majburiyatlarini yetarlicha bajarmayotganini ma’lum qilgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)