Туркия мудофаа харажатларини оширишни режалаштирмоқда

Туркия Ташқи ишлар вазири Мавлут Чавушўғли Вашингтондаги чиқишида мудофаа харажатларини ошириш режаси ҳақида сўзлади, дея хабар беради «Коммерсантъ».

«Биз мудофаа харажатларига ЯИМнинг 2 фоизини жалб қилиш устида ишламоқдамиз. Ўтган йиллардагидек 2017 йилда ҳам ўз мудофаа бюджетимизни оширамиз», — дея таъкидлайди вазир.

Шунингдек, вазирга кўра, Туркия НАТО билан алоқаларини мустаҳкамлаш борасида АҚШ билан ҳамкорликка умид қилмоқда.

«Евро-атлантик барқарорликни таъминлашда альянс асосий ўрин тутади, биз икки етакчи иттифоқдош — АҚШ ҳамда Туркия ўзаро ҳамкорлик қилишидан умидвормиз», — деди Чавушўғли.

Аввалроқ, Туркия мудофаа вазири Фикри Ишик Мюнхен хавфсизлик конференциясида, НАТО Туркия жойлашган жануби-шарқий йўналишдаги мажбуриятларини етарлича бажармаётганини маълум қилган эди.

«Дарё»нинг Telegram’даги расмий канали — @toshqindaryo’га аъзо бўлинг!