Афғонистондаги қор кўчкилари оқибатида 38 киши ҳалок бўлди

Афғонистонда юз берган бир неча қор кўчкиси оқибатида камида 38 киши ҳалок бўлган. Бу ҳақда «Коммерсантъ» хабар бермоқда.

Афғонистон Фавқулодда вазиятлар ва гуманитар масалалар вазирлиги вакили Умар Муҳаммадийнинг сўзларига кўра, мамлакатнинг 34 вилоятидан 22 тасида кузатилган қор бўрони ва кучли шамол натижасида кўчкилар юз берган.

Мамлакатдаги об-ҳаво шароити 2 февралдан бошлаб кескин оғирлашган. Ўтган давр мобайнида камида 20 киши тан жароҳати олгани айтилмоқда.

Кўчкилар оқибатида 20 та уй вайрон бўлган, 50 га яқин иншоотга зарар етган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.