Kolumbiya huquq-tartibot idoralari tomonidan 17 yoshli o‘smir Kali shahrida kamida 30 ta qotillik sodir etishda gumon qilinib, qo‘lga olindi. Bu haqda “RIA Novosti” xabar bermoqda.
“Kichkintoy Bob laqabli o‘smir o‘ttizga yaqin qotillik, jumladan, shahar markazidagi savdo markazida kuzatuv kameralari qayd etgan ikki qotillikni amalga oshirgan, — deya ta’kidladi Kali politsiyasi rahbari Ugo Kasa.
O‘smir qotilliklarga 12 yoshidan boshlab qo‘l urgani bildirilmoqda. Tergov ma’lumotlariga ko‘ra, u Kalidagi jinoiy guruhlardan birining a’zosi bo‘lgan, keyinchalik o‘zi shunday guruh tuzgan.
Ilgari surilayotgan ayblovlarning o‘ta og‘irligiga qaramay, jinoyatchi nisbatan oson qutilishi mumkin, chunki Kolumbiyada voyaga yetmaganlar uchun maksimal qamoq muddati 8 yilni tashkil etadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)