Колумбия ҳуқуқ-тартибот идоралари томонидан 17 ёшли ўсмир Кали шаҳрида камида 30 та қотиллик содир этишда гумон қилиниб, қўлга олинди. Бу ҳақда «РИА Новости» хабар бермоқда.
«Кичкинтой Боб лақабли ўсмир ўттизга яқин қотиллик, жумладан, шаҳар марказидаги савдо марказида кузатув камералари қайд этган икки қотилликни амалга оширган, — дея таъкидлади Кали полицияси раҳбари Уго Каса.
Ўсмир қотилликларга 12 ёшидан бошлаб қўл ургани билдирилмоқда. Тергов маълумотларига кўра, у Калидаги жиноий гуруҳлардан бирининг аъзоси бўлган, кейинчалик ўзи шундай гуруҳ тузган.
Илгари сурилаётган айбловларнинг ўта оғирлигига қарамай, жиноятчи нисбатан осон қутилиши мумкин, чунки Колумбияда вояга етмаганлар учун максимал қамоқ муддати 8 йилни ташкил этади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)