“Ratel.kz” nashrida chop etilgan “Qirqilgan lentalar iqtisodiyoti” maqolasida Dosim Satpayev Qozog‘iston “neft ninasi”dan tushishga ulgurmasdan uchinchi modernizatsiyaga kirishayotgani haqida yozdi. Bu haqda “Telegraf.uz” xabar berdi.
Maqolada Qozog‘iston prezidenti xalqqa murojaatida mamlakatni dunyoning 30 ta rivojlangan davlatiga yaqinlashtiradigan uchinchi modernizatsiya haqida gapirdi.
“Bu paytda esa ushbu mamlakatlarning ko‘pchiligi to‘rtinchi sanoat inqilobi bosqichiga (Industry 4.0) kirmoqda, bunda aql-idrok har qanday xomashyodan qimmatroq turadi, sun’iy intellekt esa sanoat ishlab chiqarishi bilan birlashadi.
Ammo Qozog‘iston hukumati doimiy ravishda mamlakatning industrial-innovatsion taraqqiyoti haqida ta’kidlab kelgani bilan, Qozog‘iston iqtisodiyotining raqobatbardoshligi ortmaydi, chunki inson resurslarining raqobatbardoshligi oshmaydi”, — deyiladi maqolada.
Shunga qaramay, Jahon banki hisob-kitoblariga ko‘ra, 2017-yilda Qozog‘iston iqtisodiyoti Brent neftining yillik o‘rtacha narxi barreliga 50 dollar bo‘lib tursa, 1,9 foizga o‘sadi, 2018-yilda esa 53,3 dollar holatda 3,7 foizga o‘sadi. Shuningdek, 2017-yilda neft qazib chiqarish hajmi 84 million tonnagacha oshishi evaziga Qozog‘iston yalpi ichki mahsulotining o‘sishi 1,9 foizgacha tezlashishi mumkin.
Biroq ekspertlar fikricha, Qozog‘istonda anchadan buyon turg‘un “yo‘qotilgan vaqt” hissiyoti yuzaga kelib qolgan.
Izoh (0)