Seul Pxenyan tomonidan bildirilgan “ikki tomonlama asosda munosabatlarni yaxshilash uchun harakat qilishga qaratilgan vatanparvarlik tashabbusi”ga ijobiy yondashishi lozim. Bu haqda KXDRning Koreyani tinch yo‘l bilan birlashtirish qo‘mitasi vakili ma’lum qildi, deya xabar beradi “TASS”.
Vakil yangi yilda ham “Shimolga nisbatan aqlsizlarcha qarama-qarshilik siyosatini amalga oshirayotgan, Pxenyan tahdidiga qarshi samarali javob choralari zarurligi haqida deyarli har kuni diydiyo qiladigan” Janubiy Koreya rasmiylarini tanqid ostiga oldi.
“Seul hamon ko‘r-ko‘rona tarzda Amerika belgilab bergan yo‘nalishdan ketmoqda va mintaqadagi tez o‘zgaruvchi vaziyatni to‘g‘ri baholashga qodir emas”, — deya ta’kidladi qo‘mita vakili.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)