Tramp Avstraliya bosh vaziri bilan suhbatni “muloqotlar orasida eng rasvosi” deb atadi
AQSh prezidenti Donald Tramp Avstraliya bosh vaziri Malkolm Ternbull bilan rejalashtirilgan 1 soat o‘rniga atigi 25 daqiqa davom etgan telefon orqali muloqotini kun mobaynidagi “eng rasvosi” deb atadi. Bu haqda “Interfaks” xabar bermoqda.
The Washington Post manbalariga ko‘ra, Amerika yetakchisi o‘tmishdoshi Barak Obama Avstraliya rasmiylari bilan tuzgan va uning noroziligiga sabab bo‘lgan AQShga 1250 nafar muhojirni qabul qilish muhokama etilayotgan suhbatni to‘satdan to‘xtatib qo‘ygan.
AQSh prezidenti Avstraliya bilan kelishuv uni “siyosiy jihatdan o‘ldirishi”dan noligan.
Tramp Ternbullga shu kuni yana 4 nafar dunyo yetakchisi, jumladan, Rossiya prezidenti Vladimir Putin bilan muloqot qilgani, biroq u bilan suhbat eng yomoni bo‘lganini bildirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
