АҚШ махфий хизмати тегишли федерал расмийлардан Оқ уй атрофида ҳозиргидан кўра баландроқ тўсиқ қуришга узил-кесил рухсат олди. Бу ҳақда мамлакатнинг биринчи шахслари ва юқори мартабали хорижий меҳмонларни қўриқлаш билан шуғулландиган хизмат матбуот бўлими маълум қилди, дея хабар беради «ТАСС».
Хизматга кўра, баландлиги тахминан 3,6 метр бўлган тўсиқ (ҳозиргиси 2,1 метрга тенг) тикланиши режалаштирилмоқда.
Янги тўсиқ янада мустаҳкам бўлиши ва қоидабузарларни аниқлаш технологияси қўлланиши сабабли, унга деярли чиқиб бўлмаслиги билдирилмоқда.
Шу билан бирга, Оқ уйга доимий равишда кўплаб сайёҳлар оқими келиши, уй ва тўсиқнинг тарихий қиёфаси сақланиб қолиши лозимлиги инобатга олинади. Қурилишни 2018 йилда бошлаш режалаштирилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)