Dunyoning eng yaxshi plyajlari reytingi e’lon qilindi

Britaniyaning The Telegraph nashri dunyoning eng yaxshi plyajlari reytingini tuzdi, deb yozadi “Korrespondent.net”. Ro‘yxatga Algarvi (Portugaliya), Mikonos va Lefkada (Gretsiya), shuningdek, Sitsiliya (Italiya) tartiblanmagan holda kiritildi.

Nashr ma’lumotlariga ko‘ra, Portugaliyaning Algarvi hududi chekka joylarda joylashgan plyajlari, oppoq qumlari va yorqin qoyali manzaralari bilan ajoyibdir.

Gretsiyaning Lefkada orolidagi Kathisma va Porto Katsiki plyajlari esa suv sporti uchun eng yaxshi joy hisoblanadi. Mikonos orolidagi Paradise nomli plyaj esa ziyofatlar o‘tkazish uchun ayni muddao.

Asal oyini o‘tkazish uchun esa, ekspertlar fikricha, Tinch okeanidagi Bora-Bora plyaji mos tushadi.

Nashr o‘zining ro‘yxatiga, shuningdek, Karib va Seyshel orollari, JAR, Italiya, Fransiya, AQSh, Kuba, Meksika, Yaponiya plyajlarini ham kiritdi.