BMT Xavfsizlik kengashi Ukraina sharqidagi vaziyatning yomonlashuvidan xavotirda ekanligini aytdi va zudlik bilan o‘t ochishni to‘xtatish rejimini qayta tiklashga chaqirdi, deb yozadi “Korrespondent.net” Xavfsizlik kengashi tomonidan qabul qilingan bayonotga tayanib.
“Xavfsizlik kengashi a’zolari Ukraina sharqidagi vaziyatning tahdidli tarzda yomonlashgani va mahalliy aholiga qattiq ta’sir o‘tkazayotgani munosabati bilan jiddiy xavotir bildirdi. Xavfsizlik kengashi a’zolari o‘t ochishni to‘xtatish rejimiga zudlik bilan qaytishga chaqirdi”, — deyiladi hujjat matnida.
Ushbu bayonot loyihasini BMT Xavfsizlik kengashiga Ukraina delegatsiyasi kiritdi. Xavfsizlik kengashi yopiq maslahatlashuvlar chog‘ida Avdeyevkadagi vaziyatni muhokama qildi.
Izoh (0)