Air France aviakompaniyasi xodimlari kelib chiqishi Somalidan bo‘lgan Kanada fuqarosidan Toronto — Parij reysi bortini tark etishini so‘radi. Bunga samolyot parvoz yo‘nalishi havo hududidan o‘tadigan Amerika Qo‘shma Shtatlarida somaliliklarga kirish man etilgani sabab bo‘ldi, deb xabar beradi TJournal.
VICE nashriga ko‘ra, aviakompaniyaning reysni tark etish haqidagi talabi tufayli asli Saudiya Arabistonining Jidda shahriga yo‘l olayotgan yo‘lovchi Parijga uchish uchun 3 kun kutishiga to‘g‘ri keldi.
Air France xodimlari holatga izoh berishdan bosh tortdi va AQSh elchixonasiga murojaat etishni tavsiya qildi.
Eslatib o‘tamiz, prezident Donald Trampning farmoniga muvofiq, AQShga 7 mamlakat — Iroq, Suriya, Eron, Liviya, Sudan, Yaman va Somali fuqarolari kirishi taqiqlangan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)