Nursulton Nazarboyevning xalqqa murojaati Qozog‘istonning uchinchi modernizatsiyasiga bag‘ishlangani ma’lum bo‘ldi

Qozog‘iston prezidenti tomonidan har yili xalqqa yo‘llanadigan murojaat 31-yanvar kuni chop etiladi, deb xabar beradi “Kommersant”.

“25 yil davomida biz ikki modernizatsiyani amalga oshirdik. Birinchisi — bozor iqtisodiyoti tamoyillariga asoslangan butkul yangi davlatning yaralishi. Ikkinchisi —‘Strategiya—2030’ning amalga oshirilishi va poytaxt Ostonaning barpo etilishi.

Bugun dunyoda texnologik yo‘nalishda yuz berayotgan tub o‘zgarishlar iqtisodiy o‘sishning yangi modeliga o‘tishni talab qilmoqda. Shu sababli xalqqa murojaatim Qozog‘istonning uchinchi modernizatsiyasiga bag‘ishlanadi. Bizning vazifamiz — mamlakatning yangi sharoitlardagi global raqobatbardoshliligini ta’minlash”, — deya ta’kidladi Nursulton Nazarboyev.

Qozog‘iston prezidenti davlatning siyosiy modernizatsiyasi va yangi texnologik modernizatsiya bir-birini to‘ldirishi va mamlakatning uzoq muddatli rivojlanishi uchun xizmat qilishini bildirdi.

Nursulton Nazarboyevga ko‘ra, mamlakat faqat shu tariqa “Strategiya—2050”ning asosiy maqsadi — Qozog‘istonning dunyoning eng rivojlangan 30 davlati qatoriga kirishiga erishishi mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.