Suriyaning Dayr-az-Zor shahrida 15—23-yanvar oralig‘ida o‘qqa tutishlar oqibatida 19 nafar tinch aholi vakili halok bo‘ldi, 44 kishi jarohatlandi. Bu haqda BMTning gumanitar masalalarni muvofiqlashtirish boshqarmasi hisobotida ma’lum qilindi, deb xabar beradi “Kommersant”.
Hisobotda davom etayotgan janglar shaharning gumanitar yordamga ehtiyojini oshirayotgani qayd etilgan. Dayr-az-Zorning 97 nafar fuqarosiga shoshilinch tibbiy evakuatsiya talab etiladi.
Eslatib o‘tish joiz, Suriyaning ko‘plab viloyatlarida bo‘lgani kabi Dayr-az-Zor shahrida ham vaziyat tahlikali tus olishiga, IShID ekstremistik guruhining terrorchilik harakatlari sabab bo‘lmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)