AQSh prezidenti Donald Tramp ilk bor Oq uyda yuqori martabali mehmon — Buyuk Britaniya bosh vaziri Tereza Meyni qabul qildi. Bu haqda “Kommersant” xabar bermoqda.
Muzokaralar davomida bir qator masalalar, jumladan, savdo kelishuvlari, NATO bo‘yicha munosabatlar muhokama qilingan. Muzokaralar yakunida AQSh prezidenti Donald Tramp Rossiyaga nisbatan sanksiyalar masalasini ham ko‘targan.
“Hozircha bu mavzuni ochishga erta”, — deya Trampning so‘zlaridan iqtibos keltirmoqda Reuters. “Rossiyadan sanksiyalarni olib tashlash haqida gapirishga erta”, — deya AQSh prezidentidan iqtibos keltirmoqda AFP.
Tereza Mey esa sanksiyalarni saqlab qolish kerakligini ta’kidlagan. “Sanksiyalar amal qilishda davom etishi kerak”, — deya Meyning so‘zlaridan iqtibos keltirmoqda AFP. Rossiya prezidenti bilan munosabatlar haqida gapirarkan, Tramp shunday degan: “Balki, bu munosabatlar yaxshi bo‘lmas”.
Avvalroq AQSh prezidenti Donald Trampning maslahatchisi Kellienn Konuey Rossiyadan sanksiyalarni olib tashlash masalasi ko‘rib chiqilayotganini ma’lum qilgan edi. 28-yanvar kuni Tramp Rossiya prezidenti Vladimir Putin telefon orqali suhbatlashishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)