АҚШ президенти Дональд Трамп илк бор Оқ уйда юқори мартабали меҳмон — Буюк Британия бош вазири Тереза Мейни қабул қилди. Бу ҳақда «Коммерсантъ» хабар бермоқда.
Музокаралар давомида бир қатор масалалар, жумладан, савдо келишувлари, НАТО бўйича муносабатлар муҳокама қилинган. Музокаралар якунида АҚШ президенти Дональд Трамп Россияга нисбатан санкциялар масаласини ҳам кўтарган.
«Ҳозирча бу мавзуни очишга эрта», — дея Трампнинг сўзларидан иқтибос келтирмоқда Reuters. «Россиядан санкцияларни олиб ташлаш ҳақида гапиришга эрта», — дея АҚШ президентидан иқтибос келтирмоқда AFP.
Тереза Мей эса санкцияларни сақлаб қолиш кераклигини таъкидлаган. «Санкциялар амал қилишда давом этиши керак», — дея Мейнинг сўзларидан иқтибос келтирмоқда AFP. Россия президенти билан муносабатлар ҳақида гапираркан, Трамп шундай деган: «Балки, бу муносабатлар яхши бўлмас».
Аввалроқ АҚШ президенти Дональд Трампнинг маслаҳатчиси Келлиэнн Конуэй Россиядан санкцияларни олиб ташлаш масаласи кўриб чиқилаётганини маълум қилган эди. 28 январь куни Трамп Россия президенти Владимир Путин телефон орқали суҳбатлашиши кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)