AQSh ma’muriyati Buyuk Britaniya hukumatidan Trident ballistik raketasining muvaffaqiyatsiz parvozi haqidagi axborotni sir saqlab turishni iltimos qilgan. Bu haqda, harbiy doiralardagi manbalarga asoslanib, The Times nashri xabar bermoqda.
Nashrning qayd etishicha, muvaffaqiyatsizlikka uchragan raketa AQShning Lockheed Martin kompaniyasi tomonidan ishlab chiqarilgan. Gazeta suhbatdoshining so‘zlariga ko‘ra, yozda prezident Barak Obama ma’muriyati ochiqchasiga murojaat qilib, bosh vazir Devid Kemeron hukumatidan raketa sinovlari haqidagi axborotni sir saqlashni so‘ragan. Gazeta manbasining taxminicha, rasmiy Vashington “boshqa raketalar bilan ham shunday muammolar yuzaga kelishidan xavotirda bo‘lishi mumkin”.
22-yanvar kuni The Sunday Times gazetasi Buyuk Britaniyada Trident ballistik raketasi sinovi muvaffaqiyatsizlikka uchragani haqida yozib chiqdi. Raketa Florida yaqinidan uchirilgan bo‘lib, yo‘nalishdan chiqib ketgan va to‘g‘ri AQSh sohillari tomon uchib ketgan.
Nashrning qayd etishicha, Buyuk Britaniya Mudofaa vazirligi muvaffaqiyatsiz raketa sinovi haqidagi axborotni sir saqlagan. Hodisa 2016-yil iyunida, Britaniya parlamnetida Trident ballistik raketalari bo‘yicha ovoz berishdan bir necha hafta ilgari yuz bergan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)