Tailandda 21 nafar xorijiy sayyoh va motor qayiq ekipaji a’zolari yong‘in tufayli ochiq dengizda qolib ketdi, deb xabar beradi Bangkok Post.
Hodisa Andaman dengizida, sayyohlar guruhi dayving bilan shug‘ullanish uchun Ko Rok oroliga yo‘l olganida ro‘y berdi. Alangalanish qayiqning quyi qismida boshlandi. Ekipaj uni o‘chirishni uddalay olmadi va yong‘in butun qayiqqa tarqalib, sayyohlar va ekipaj a’zolarini suvga sakrashga majbur qildi.
Biroz vaqtdan so‘ng jabrdiydalarni baliqchilik trauleri chiqarib oldi va keyinroq dengiz politsiyasi ixtiyoriga topshirdi. Hodisa tufayli hech kim jabrlanmagani bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)