АҚШ маъмурияти Буюк Британия ҳукуматидан Trident баллистик ракетасининг муваффақиятсиз парвози ҳақидаги ахборотни сир сақлаб туришни илтимос қилган. Бу ҳақда, ҳарбий доиралардаги манбаларга асосланиб, The Times нашри хабар бермоқда.
Нашрнинг қайд этишича, муваффақиятсизликка учраган ракета АҚШнинг Lockheed Martin компанияси томонидан ишлаб чиқарилган. Газета суҳбатдошининг сўзларига кўра, ёзда президент Барак Обама маъмурияти очиқчасига мурожаат қилиб, бош вазир Дэвид Кэмерон ҳукуматидан ракета синовлари ҳақидаги ахборотни сир сақлашни сўраган. Газета манбасининг тахминича, расмий Вашингтон «бошқа ракеталар билан ҳам шундай муаммолар юзага келишидан хавотирда бўлиши мумкин».
22 январь куни The Sunday Times газетаси Буюк Британияда Trident баллистик ракетаси синови муваффақиятсизликка учрагани ҳақида ёзиб чиқди. Ракета Флорида яқинидан учирилган бўлиб, йўналишдан чиқиб кетган ва тўғри АҚШ соҳиллари томон учиб кетган.
Нашрнинг қайд этишича, Буюк Британия Мудофаа вазирлиги муваффақиятсиз ракета синови ҳақидаги ахборотни сир сақлаган. Ҳодиса 2016 йил июнида, Британия парламнетида Trident баллистик ракеталари бўйича овоз беришдан бир неча ҳафта илгари юз берган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)