AQSh 20 ta zarbdor AH-64A Apache vertolyotlarini Yevropaga olib o‘tadi. Bu haqda “Korrespondent.net” xabar bermoqda.
Xabar berishlaricha, Yevropaga yo‘l oladigan vertolyotlar guruhi Texasdagi Korpus-Kristi qurol-aslaha saqlash bazasiga yetib kelgan.
Bu yerda vertolyotlar tegishli tayyorgarlik va ko‘rikdan o‘tkaziladi, shundan so‘ng kemaga ortilib, Yevropaga jo‘natiladi.
AQSh armiyasi matbuot xizmati tomonidan tarqatilgan axborotga ko‘ra, “Temir ajdaho” batalyoni “Atlantika qat’iyati” operatsiyasini qo‘llab-quvvatlash maqsadida Yevropaga yetkaziladi.
Avvalroq, yanvar oyining boshida AQSh yuzlab tanklar, o‘ziyurar gaubitsalar va boshqa harbiy mashinalarni Germaniyaga tashlagani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)