Italiyada 24-yanvar qulagan vertolyot bortida bo‘lgan yo‘lovchilar halok bo‘lgan. Bu haqda “TASS” xabar bermoqda.
Italiyaning ANSA agentligi xabariga ko‘ra, qutqaruvchilar Italiya markazida, Apennin tizmasida vertolyot qulagan joyni aniqlagan.
Agentlik ma’lumotlariga ko‘ra, vertolyot bortida olti kishi — ikki uchuvchi, shifokor, hamshira va ikki qutqaruvchi bo‘lgan.
ANSA’ning qayd etishicha, qutqaruvchilar vertolyot qulagan joyga piyoda yo‘lga chiqqan.
Qutqaruv xizmatidan ma’lum qilishlaricha, vertolyot tog‘ yo‘lida qolib ketgan jabrlanuvchilar uchun yordam ko‘rsatish maqsadida yo‘lga chiqqan edi.
Bu vertolyot Italiya markazida yuz bergan qor ko‘chkisi ostida qolib ketgan Rigopiano di Farindola mehmonxonasida odamlarni qutqarish operatsiyasida qatnashmayotgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)