O‘zbekiston Turizmni rivojlantirish davlat qo‘mitasi raisi Anvar Sharopov BMTning Jahon sayyohlik tashkiloti (YuNVTO) bosh qarorgohida tashkilot bosh kotibi Tolib Rifaiy bilan uchrashdi, deb yozadi UzDaily.
Muzokaralar chog‘ida tomonlar O‘zbekiston va YuNVTOning turli yo‘nalishlar bo‘yicha hamkorligini yanada rivojlantirish masalalarini muhokama qildi.
Bosh kotib YuNVTO O‘zbekiston bilan turizm sohasidagi siyosiy va texnik hamkorlik doirasida hamkorlikni kengaytirish niyatida ekanligini ta’kidladi. Xususan, YuNVTO treninglar o‘tkazish, malakali kadrlarni qayta tayyorlashda ko‘mak berishga, shuningdek, marketing tadqiqotlari va sertifikatlash sohasida texnik yordam ko‘rsatishga tayyor.
Rafaiy O‘zbekiston tomonining 2017-yilda YuNVTO hamkorligida mamlakatning sayyohlik salohiyatini va “Ipak yo‘li” dasturini targ‘ib qiladigan, xalqaro ko‘lamdagi qator tadbirlarni o‘tkazish taklifini qo‘llab-quvvatladi.
Qo‘mita raisi Anvar Sharopov YuNVTO bosh kotibini Toshkent shahrida 2017-yil aprelda bo‘lib o‘tadigan “Hordiq olami” Xalqaro sayyohlik ko‘rgazmasida ishtirok etishga rasman taklif qildi.
Izoh (0)