Joriy yilning 19-yanvar kuni O‘zbekiston Respublikasi Iqtisodiyot vazirligida Jahon bankining Yevropa va Markaziy Osiyo davlatlari bo‘yicha vitse-prezidenti Siril Myuller boshchiligidagi delegatsiya bilan uchrashuv bo‘lib o‘tdi. Bu haqda Iqtisodiyot vazirligi axborot xizmati xabar berdi.
Uchrashuvda ikkala taraf ham O‘zbekiston Respublikasining Jahon banki bilan hamkorligi tobora kuchayib borayotganligini qayd etdi. Shuningdek, elektr-energetika, irrigatsiya va kommunal tarmoqlarni modernizatsiya qilish, suv ta'minoti, ishlab chiqarish, transport va ijtimoiy infratuzilmani rivojlantirish yo‘nalishlaridagi istiqbolli investitsion loyihalarni amalga oshirishni kengaytirish masalalarini muhokama qildi.
O‘tgan yili qabul qilingan 2020-yilgacha hamkorlik qo‘shma dasturiga 27 muhim loyiha kiritilgan, uning umumiy qiymati 4 milliard dollardan iborat, shundan 3 milliard dollari Jahon banki kreditlaridir.
Izoh (0)