Kichkintoylar fitbol o‘ynashi uchun 9 mashq

Kichkintoy dunyoga kelgan uyda fitbol koptogi salomatlik uchun ham, o‘yin uchun ham kerak bo‘ladi. Yangi tug‘ilgan chaqaloqlarni fitbolda gimnastika qildiring, kattaroq bolalar esa sakrag‘ich o‘rnida fitbolda sakrashni yaxshi ko‘radilar. Mashqlarni bajarish uchun maxsus ko‘nikmalar talab etilmaydi, uy sharoitida ularni bajarish juda oson va go‘daklar uchun juda foydali. Rukn homiysi — “Bolalar uchun LINEKS^®”

*Yo‘riqnomaning to‘liq matni bilan ushbu havolada tanishishingiz mumkin.

Fitbol qanday foyda beradi?

• Ovqat hazm bo‘lishini yaxshilaydi va sanchiqlar paydo bo‘lishining oldini oladi.
• Chaqaloqlarga xos bo‘lgan mushak gipertonusini bartaraf etilishiga yordam beradi.
• Oyoq-qo‘l, orqa mushaklari, qorin pressini mustahkamlaydi va rivojlantiradi.
• Massaj kabi ta’sir qiladi va ichki a’zolarning ishini rag‘batlantiradi.
• Harakatlarni muvofiqlashtirishni o‘rganishga yordam beradi va vestibulyar apparatni rivojlantiradi

Qanday shug‘ullanish to‘g‘ri bo‘ladi?

Bolani chalqanchasiga yotqizing. Oyog‘i tomonga fitbolni qo‘ying (30 dan 65 sm gacha diametrli fitboldan foydalanish mumkin). Fitbolni bolaning oyog‘iga yaqinlashtirib, uni ko‘ptokni oyog‘i bilan itarishga undang.

2-mashq. Tebranish

Bolani fitbol ustiga shunday yotqizingki, uning boshi, ko‘kragi, qorni, bo‘ksasi koptok ustida bo‘lsin. O‘zingiz tomonga tortib, uzoqlashtirib, bolani tebrantiring.

3-mashq. Prujinalanamiz

Bolani qorni bilan fitbol ustiga yotqizing. Bitta kaftingizni bolaning dumbasiga, ikkinchisini yelkasiga qo‘ying. Fitbol ustida prujinaga o‘xshatib tepaga-pastga sakrating.

4-mashq. Qorinda yotib tebranamiz

Bolani qorni bilan fitbol ustiga yotqizing. Chapga-o‘ngga, oldinga-orqaga tebrantiring.

*Yo‘riqnomaning to‘liq matni bilan ushbu havolada tanishishingiz mumkin.

Quyidagi mashqlarni 3-3,5 oylikdan boshlagan ma’qul:

5-mashq. Chalqancha yotqizib tebrantiramiz.

Bolani fitbol ustiga chalqancha yotqizing. Boldiridan ushlab turing. Tizzasini bukib, oyoqlarini ko‘kragiga taqang. Fitbolni orqaga dumalating, oyoqlarini to‘g‘rilang.

6-mashq.

Fitbolni stol ustiga qo‘ying. Bolani koptok oldiga yaqinlashtiring, koptokni itarishi uchun uni oldinga egiltiring. Mashqni takrorlang.

7-mashq. Pressni mustahkamlaymiz

Bolani fitbol ustiga chalqancha yotqizing. Bolani ushlab turib, chapga-o‘ngga, keyin oldinga-orqaga tebrantiring.

Fitbolda bajariladigan navbatdagi ikkita mashq 5—5,5 oylikdan boshlanadi:

8-mashq. O‘yinchoqni olamiz

Bolani qorni bilan fitbol ustiga yotqizing. Bo‘ksasidan ushlab turib, qo‘li yerga tegadigan bo‘lguncha pastga tushiring va dastlabki holatga qaytaring. Polda bolaning oldiga o‘yinchoqlar qo‘ying, shunda mashqlar qiziqarliroq bo‘ladi.

9-mashq. Oyoqchalarni  kuchli qilamiz

Bolani ushlab turib, o‘zingizga orqa qildirgan holda fitbolning ustiga turg‘izing. Oldinga harakatlantirib, fitbolning ustiga o‘tqizing. Teskari harakat qildirib, dastlabki holatga qaytaring.

Boshlashdan avval

Mashqlar onaga ham, bolaga ham quvonch bag‘ishlashi uchun 5 ta shartga rioya qiling.

1. Mashqlarni ertalab, kichkintoy hali charchamaganida va kayfiyati yaxshiligida bajargan ma’qul.
2. Mashqlarni boshlashdan oldin bolakay tinchligiga va unga hech nima noqulaylik tug‘dirmayotganiga ishonch hosil qiling.
3. Ovqatlantirganingizdan keyin mashqlarni bajarishga qadar kamida 1,5 soat vaqt o‘tishi kerak.
4. Agar kichkintoy injiqlik qilsa yoki qarshilik ko‘rsatsa — majbur qilmang. Hamma bolalar ham fitbol mashqlarini birdaniga yoqtirib bajarmaydilar. Kichkintoy ko‘nikishiga va o‘rganishiga qo‘yib bering.
5. Birinchi haftada 3—5 daqiqadan kuniga bir necha marta shug‘ullanish lozim. Bir haftadan keyin gimnastika mashqlarini to‘liq bajarishga kirishish mumkin. Mashqlar kompleksini bajarish 2 oylikkacha bo‘lgan bolalar uchun 10—20 daqiqa, 2 oylikdan 6 oylikkacha bo‘lgan bolalar uchun esa 20—30 daqiqa vaqtni egallaydi.